IJUMAA KUU HII IWE NJEMA KWA WAUMINI WOTE!!

Ni ijumaa ambayo Bwana Yesu Kristu atapata mateso kwa ajili yetu. Sijui kama kuna mtu angeweza kujitoa roho yake kwa ajili ya mwingine kama Bwana wetu Yesu anavyofanya kwa ajili yetu?..Na nawakumbusheni kuto sahau leo ni ile siku ambayo ni siku moja tu kwa mwaka ambayo tunaombwa kuacha kula vyakula vya damudamu hasa nyama ....Mwenyezi Mungu na atawala Nyumbani mwenu Daima kuwa na Amani pia Furaha . Amina. IJUMAA KUU IWE NJEMA KWA WOTE....  NI KAPULYA WENU!!

HISTORIA YA ALHAMISI KUU

ALHAMIS KUU KWA WOTE NA TUKUMBUKE KUPENDANA.

USITAFUTE PESA TAFUTA FURAHA

Katika maisha kitu kigumu kuliko vyote kukitafuta sio pesa bali ni furaha. Pesa ni ngumu kuitafuta kwasababu kila siku tunaipoteza katika kuitafuta furaha. Pesa humaliza matatizo na matatizo humaliza pesa. Inawezekana hata aliyezigundua  alikufa na madeni, sioni sababu ya kufa kwa sababu ya kutafuta maisha, bora uzima.  Pesa sio kila kitu. Inaweza kununua nyumba lakini haiwezi kununua familia, inaweza kununua  kitanda lakini haiwezi kununua usingizi, inaweza kunuua saa lakini haiwezi kununua muda. Pesa inaweza kununua vitabu lakini haiwezi kununua akili. Na maskini sio yule tu ambaye hana bali hata yule aliyenazo lakini anazitaka zaidi. Tafuta furaha kila siku usisubiri mpaka muda maalumu ndio uwe na furaha. Kila siku hapa duniani ni siku  maalumu. Na kwa taarifa yako sio mwenye pesa tu anayeweza kuhamisha milima hata fukara kapuku kama wewe na mimi. Pesa sio kila kitu bora furaha, inaweza kununua madaraka lakini haiwezi kununua heshima. Inaweza kununua damu lakini haiwezi kununua uhai, inaweza kununua dawa lakini haiwezi kununua afya. Pesa  haiwezi kununua mapezi.
CHANZO.- NILITUMIA NA RAFIKI KMA VIDEO/SIMULIZI NAMI NIMEUGEUZA KAMA MADA..

NI JUMAPILI YA MATAWI LEO...FURSHA, AMANI NA UPENDO VITAWALE MIOYONI MWETU

NAWATAKIENI WOTE JUMAPILI NJEMA YA MATAWI

MAONI YALIYOTOLEWA NA KAKA RAY NJAU KUHUSU TAULO ZA KIKE!

HAPA NI KAKA RAY NJAU 

Kukabiliana na Matatizo ya Kukoma kwa Hedhi

“Ghafula nilihisi nimelemewa na huzuni bila kujua sababu. Nililia na kuanza kujiuliza ikiwa ninarukwa na akili.”—Rondro, * mwenye umri wa miaka 50.

“Unaamka asubuhi na kupata nyumba yako ikiwa shaghalabaghala. Huwezi kupata kitu chochote unachotafuta. Mambo ambayo ulikuwa ukifanya kwa urahisi, sasa yanaonekana kuwa magumu sana, na hujui ni kwa nini hali iko hivyo.”—Hanta, mwenye umri wa miaka 55.

WANAWAKE hao si wagonjwa. Wanapitia tu kipindi cha kukoma kwa hedhi, ambacho ni badiliko la kiasili katika maisha ya mwanamke anapoacha kuwa na uwezo wa kupata watoto. Ikiwa wewe ni mwanamke, je, unakaribia kipindi hicho? Au je, unapitia kipindi hicho sasa hivi? Vyovyote vile, kadiri ambavyo wewe na wapendwa wako mnajifunza kuhusu kipindi hiki cha mabadiliko, ndivyo mtakavyoweza kukabiliana kwa njia inayofaa na matatizo yanayohusiana nacho.
Kipindi cha Kukoma Hedhi

Wanawake wengi huanza kipindi hicho wakiwa na umri wa miaka 40 na kitu, lakini wengine huanza wakiwa wamechelewa wakiwa na miaka 60 na kitu. * Kwa wanawake wengi, hedhi hukoma hatua kwa hatua. Kwa sababu ya kubadilika-badilika kwa kiwango cha homoni kinachotokezwa, huenda mwanamke akakosa kupata hedhi pindi kwa pindi, akapata hedhi wakati ambao hakutarajia, au akavuja damu nyingi isivyo kawaida wakati wa hedhi. Wanawake wachache hukoma kupata hedhi ghafula, yaani, wanakosa hedhi mwezi mmoja na huo unakuwa mwisho wa kuipata.

Kitabu kuhusu kukoma kwa hedhi (Menopause Guidebook) kinasema: “Kipindi hicho huwa tofauti kwa kila mwanamke.” Kitabu hicho kinaendelea kusema hivi: “Matatizo ya kawaida yanayohusiana na kipindi hicho ni kupata joto la ghafula mwilini,” ambalo huenda likafuatwa na kuhisi baridi. Dalili hizo zinaweza kumfanya mtu akose usingizi na kuishiwa na nguvu. Matatizo hayo huendelea kwa muda gani? Kulingana na kitabu hicho, “wanawake fulani hupatwa na joto la ghafula mwilini kwa mwaka mmoja au miwili wakati wa kipindi hicho cha kukoma kwa hedhi. Wengine hupatwa na hali hiyo kwa miaka mingi, na wachache sana husema kwamba wao hupatwa na joto la ghafula mara kwa mara maisha yao yote.” *

Kwa sababu ya kubadilika-badilika kwa kiwango cha homoni, huenda mwanamke akashuka moyo, hisia zake zikabadilika-badilika na hilo linaweza kumfanya alielie bila sababu, na pia asiwe makini sana na asahau mambo. Licha ya hayo, kitabu The Menopause Book kinasema kwamba “kuna uwezekano mkubwa kwamba mwanamke hatapatwa na mambo hayo yote.” Kwa kweli, wanawake fulani hupata matatizo machache sana na wengine hawapati matatizo yoyote wakati wa kipindi hicho.
Jinsi ya Kukabiliana na Kipindi Hicho

Kubadili mtindo wa maisha kunaweza kupunguza baadhi ya matatizo hayo. Kwa mfano, wanawake wanaovuta sigara wanaweza kupunguza mara ambazo wanapatwa na joto la ghafula kwa kuacha kuvuta sigara. Wanawake wengi hunufaika kwa kubadili mazoea yao ya kula kama vile kupunguza au hata kuacha kunywa kileo, vinywaji vyenye kafeini, na vyakula vyenye sukari au vikolezo ambavyo vinaweza kusababisha joto la ghafula mwilini. Bila shaka, ni muhimu kula vyakula mbalimbali na vyenye lishe.

Kufanya mazoezi husaidia sana kupunguza matatizo yanayohusianishwa na kukoma kwa hedhi. Kwa mfano, mazoezi yanaweza kupunguza kukosa usingizi na kusaidia kuboresha hali ya kihisia na pia kuimarisha mifupa na afya ya mtu kwa ujumla. *
Eleza Mambo Waziwazi

Rondro aliyenukuliwa mwanzoni mwa makala hii anasema hivi: “Usiteseke kimyakimya. Ukiwaeleza wapendwa wako mambo waziwazi, hawatakuwa na wasiwasi kuhusu hali yako.” Jambo hilo linaweza kuwafanya hata wakuonyeshe subira na huruma zaidi. “Upendo ni wenye ustahimilivu na wenye fadhili,” linasema andiko la 1 Wakorintho 13:4.
chanzo:www.jw.org/sw
Maoni yanatoka katika mada hii TAULO ZA KIKE! kila la kheri kwa wote na ahsante sana kaka RAY.

KUMBUKUMBU.....NIMEIPENDA HII PICHA NA NIMEONA IWE PCHA YA WIKI HII

UJUMBE:- JANA NI HISTORIA. KESHO NI MIUJIZA  NA LEO NI ZAWADI.
NAPENDA KUWATAKIENI SIKU YA LEO IWE NJEMA SANA, FURAHA NA AMANIPIA. KAPULYA WENU....

MICHEZO YA WATOTO:- UKUAJI NA MAARIFA WAYAPATAYO....!

 Watoto uwaleavyo ndivyo wakuavyo hapa wakiwa wanacheza bao mchangani....zaidi mchezo huu huchezwa na watoto wakiume....au vijana pia akina baba. Wengi wetu nadhani twaukumbuka mchezo huu...ni mchezo lakini hapo kunamambo wanajifunza kama vile hesabu nk.

 Na hapani watoto wa kike wakicheza mchezo wa mdako... nilipenda sana mchezo huu....maharage yalikuwa yanaungua kila mara :-)

 Watoto wengi hasa wa kiume walipenda sana kucheza huu mchezo kama baiskeli au gari vile ni ringi la baiskel ...hapa watakiwa kuwa na balansi...

Usipojifunza mapishi tangu udogo itakuwa shida...ni mchezo lakini ndiyo kujifunza huko.....zamani watoto walikuwa wakijifunza vitu vingi sana na kupata maarifa ...lakini sasa  mmmhhh wapo mitandaoni tu....

KUMBUKUMBU:- NIMEKUMBUKA KWETU LITUMBANDYOSI/KINGOLI TULIKUWA TUNAKULA SANA HAYA MATUNDA NA KUCHOMA KOROSHO WENYEWE ILIKUWA SAFI SANA NA TAMU

Korosho na mabibo ya njano

Na hapa ni korosho na mabibo mekundu

Nikukumbuka hii nakumbuka pia mbula zilivyoniponza na nusu ya kupotenza kidole changu kimoja kwa ajili ya kubangua mbura ili kupata zile karanga.....

UJUMBE WA LEO TOKA KWANGU KUJA KWENU

Mfanyie mtu mambo/jambo mazuri/zuri na mema akiwa hai, kwa sababu chochote utakachomfanyia aliyekufa hakina maana kwa vile hatasikia.
NAWATAKIENI SIKU NJEMA

NAPENDA KUWATAKIENI WOTE MTAKAOPITA HAPA JUMAPILI NJEMA SANA

UJUMBE WA LEO:- Katika maisha ni muhimu kuuliza pale unapokuwa na dukuduku  Udadisi  una maana yake.

PALE UPATAPO WASAA WA KUPUMZIKA BASI PUMZIKA KWANI NI MUHIMU KATIKA MAISHA YA MWANADAMU

Hapa yaonekana kuna kitu alikuwa akishangaa  au sijui hakuwa na njaa?

CHAKULA AKIPENDACHO KAPULYA KULIKO VYOTE HAPA DUNIANI NI SAMAKI

BAADA YA KAZI YA WIKI NZIMA SIO MBAYA KUJOPONGEZA KIDOGO. NAWATAKIENI WOTE MWISHO MWEMA WA WIKI HII NA IWE YA FURAHA NA AMANI ITAWALE KATIKA KAYA ZENU.

NI WIKI NYINGINE NA NI JUMATATU NAMI NIMEONA TUANZE HIVI.....

Nimekumbuka sana enzi zile ambapo tulikuwa tunakula chakula/vyakula kwa pamoja. Lakini  siku hizi umezuka mtindo wa watu kula chakula kila mtu sahani yake. JE? wewe  hii unakumbuka wapi?

SWALI LA LEO. .....JE? Ni WAPI KAPULYA WENU YUPO?

Nawatakieni  wote AMANI NA FURAHA ....PAMOJA  DAIMA...KAPULYA

NIMEJIFICHA HAPA KWA SIKU CHACHE

Hapa ni Bahari ya atlantik....ila bahati mbaya ni baridi na mvua

BLOG YA MAISHA NA MAFANIKIO YATIMIZA MIAKA KUMI LEO!!

Hapa ni mwenyewe dada/mama Maisha na Mafanikio Leo!!!

Mmmmhh! Miaka KUMI leo imefika kama mchezo!!!!

Blog ya Maisha na Mafanikio kama mchezo leo yatimiza miaka kumi (10) kamili. Napenda kuchukua nafasi hii na kusema:- Hii yote ni kutokana na uwepo wenu ulioambatana na upendo pia ushirikiano mzuri mlio nao. Na kubwa zaidi ni kwa familia yangu kwa kuwa bega kwa bega nami. Pia napenda kusema kwa kupitia michango ya wasomaji na wanablog wenzangu nimeweza kijifunza mambo mengi sana. Na ndiyo kwa sababa hii napenda kusema:- AHSANTENI SANA KWA USHIRIKIANO WENU NASEMA TENA KWANI NAAMINI BILA NINYI, NISINGEFIKA HAPA NILIPO LEO. KWA KWELI NAAMINI KUWA SISI SOTE NI NDUGU NA NI WATOTO WA BABA MMOJA. UPENDO NA UMOJA WETU UDUMU DAIMA NA PIA MILELE!!!!!......Halafu la kufurahisha siku niliyoanza kublog ilikuwa ni JUMAMOSI na leo ni IJUMAA... HAYA IJUMAA  IWE NJEMA SANA KWA WOTE MTAKAOPITA HAPA NA WENGINE WOTE.

NIMEKUMBUKA KWETU KIJIJINI LUNDO ....

Kwetu kijijini Lundo hata mawese yapo. Tulikuwa tukiyale kama yalivyo:-) Lakini pia hukamuliwa mafuta ni mafuta mazuri sana kwa kupikia vyakula

MSIMU HUU NI MSIMU MZURI SANA KWA VYAKULA VYETU VYA ASILI KAMA MAHINDI, MABOGA NA VINGENE VINGI VINGI.....

Leo nimetamani sana mahindi ya kuchoma na...

...pia maboga  

MUNGU AKIAMUA KUFANYA JAMBO ANAFANYA ANAFANYA KWA UKUBWA MPKA WANADAMU WATABAKI WANAULIZANA

Mwanzo mwema wa juma ndungu zangu na uwe mwanzo wa amani na furaha!

NI JUMAPILI YA KWANZA YA KWARESMA

NAWATAKIENI JUMAPILI NJEMA YA KWANZA YA KWARESMA!

NAPENDA KUWATAKIENI JUMAMOSI NJEMA NGAWA HALI YANGU NI DHAIFU KIDOGO!

Ni jumamosi nyingine tena na kapulya leo kapataikana na tumafua kidogo lakini kwa maombi yenu naamini nitakuwa mzima kabla juu halijazama:-) Nawatakieni JUMAMOSI YENYE AMANI NA FURAHA KATIKA KIPINDI HIKI CHA KWARESMA.

TAULO ZA KIKE!...........

NIMEKUTANA NA HII MADA  IMENIGUSA SANA EBU KUWA SAMBAMBA NAMI....

LEO nimekumbuka moja kati ya matukio yaliyopata kuniumiza sana hapo zamani. Nakumbuka nilikuwa darasa la sita, Shule ya Mazoezi Mwenge, mkoani Tabora.

Siku hiyo, nikiwa nimeketi dawati la mbele kabisa darasani, lilizuka kama zogo maeneo ya katikati ya darasa; wanafunzi wakawa wamesimama; wengine wakicheka, wengine wakionekana kufadhaika. Kusogea eneo la tukio, nikamwona binti mmoja (jina ninalihifadhi) akiwa ameketi juu ya dawati ilhali wenziye wakiwa wima wamemzunguka.

Nikiwa sijatanabahi juu ya kilichotokea, baadhi ya wasichana wakamwinua mwenzao, kisha wakamfunga sweta kiunoni ili limsitiri sehemu ya nyuma. Aliposimama, ndipo nikaona kilichotokea. Damu ilienea kwenye sketi yake huku nyingine ikibaki kwenye dawati. Wenziye kadhaa wakaungana naye kumsindikiza nje ili kumpa nguvu. Lakini mambo ya kitoto, bila kujua hofu na fadhaa vilivyomuathiri kisaikolojia mwenzetu, baadhi (hususan wavulana) wakawa wakishangilia na kumcheka.

Siku kadhaa zilipita bila msichana yule kurudi shuleni. Baadaye tulikuja kujulishwa kuwa, aligoma kurudi kwa aibu na fadhaa. Alipoteza kabisa hali ya kujiamini, akawa anawataka wazazi wake wamuhamishe shule.

Kimsingi, wanapokuwa katika hali kama hii, watoto wa kike hudhalilika na kufadhaika mno. Na hata wanapowahi kujitambua, bado wanakosa namna bora, yenye heshima na staha katika kujistiri. Inafikia pahala, mtoto wa kike anashindwa kusaidia kazi nyumba na anakosa kwenda shuleni kwa kushindwa kumudu gharama za taulo za kike (pedi) ili kudhibiti hali hiyo na kuwa huru. Kama taifa tunashiriki kumfelisha mtoto wa kike kwa kujua ama kutokujua.

Leo ninapoikumbuka kadhia hiyo, niliyoishuhudia nikiwa mdogo shuleni, nabaki nikistaajabu kusikia ati kuna wanaojiita viongozi, halafu wanazuia na kukwamisha hoja ya kuitaka serikali itoe ruzuku ili wanafunzi wa kike wagawiwe taulo hizo bure mashuleni au walau kwa bei ya chini. Leo hii, imefikia mahala huko vijijini, kwa uhaba wa taulo za kike, mtu akibahatika kuipata anatamani aivae hata mwezi mzima bila kuivua.

Tazama maajabu sasa, kondomu zinapatikana kwa bei chee na wakati mwingine kugawiwa bure kabisa, kwa sababu zinapewa ruzuku na serikali ilhali kufanya au kutokufanya ngono ni uamuzi wa mtu. Lakini linapokuja suala la taulo za kike ambapo, hakuna msichana anayeweza kuamua kutopata hedhi, unasikia watu wanaamua kuzuia hoja ya kutolewa ruzuku. Aibu gani hii - ujinga gani huu.
Mmnfyuuuuuuuuu

Maundu Mwingizi (MwanaBalagha),
Dar es Salaam.

LEO NI SIKU YA WAPENDANAO!

Blog ya Maisha na Mafanikio yapenda kusema ya kwamba yawapenda sana wote ambao  mpo bega kwa bega  nasi. Nawawote siku hii ya wapendanao iwe yenye furaha na amani pia upendo

TUANZE WIKI HII NA MATUNDA /VYAKULA YA/VYA ASILI...

Binafsi nimetamani zaidi masuku/mapotopoto  na karanga za kuchemsha:-) je?wewe mwenzangu?

TUMALIZE WIKI/JUMA NA PICHA HII...MWISHO WA JUMA UWE MWEMA KWENU WOTE MTAKAOPITA HAPA

KILOSA VIJIJINI

HII PICHA UMENIGUSA SANA. TAFADHALI JAMANI NDUGU ZANGU HAWA WATOTO WANAHITAJI DARAJA

MIONGONI MWA SAMAKI WANAOPATIKANA ZIWA NYASA

MBELELE

KAMBALE

 

MAGEGE

Binafsi napenda zaidi mbelele na magege:-) Utamu wake utasimulia hadi usingizini....halafu mbufu mmmhhhh nggoja niaache

PICHA CHANZO:-  MARKUS MPANGALA MZEE WA LUNDU NYASA