TANGU WAKIWA WADOGO HUPENDA KUJITUMA, LAKINI JAMII HAIWAAMINI

Wiki hii tuanze na picha hii..yaani kama ujumbe usemavyo hapo juu....NAPENDA KUWATAKIENI WIKI NJEMA NA PIA JUMATANO NJEMA....KAPULYA WENU!!

LIJUI TUNDA LA PAPAI NA FAIDA ZAKE KWA AFYA......

Papai, tunda lenye ladha nzuri kama sukari, siyo tu ni tamu kulila, lakini ni chanzo kikuu cha virutubisho muhimu vinavyotoa kinga ya mwili dhidi ya magonjwa mbalimbali, yakiwemo yale hatari ambayo huchukua maisha ya watu kila kukicha. 

Leo soma faida za tunda hili ili ujiepushe na maradhi ambayo hutokea pale mwili unapokuwa na kinga ya mwili dhaifu kinga dhidi ya magonjwa ya moyo utaona kwamba maradhi ya moyo yana kinga karibu katika kila tunda au chakula cha asili.

Wiki mbili zilizopita tumeona vyakula kama karanga, korosho vinavyoweza kutoa kinga dhidi ya magonjwa ya moyo, wiki hii pia tunaona papai nalo limo kwenye orodha ya vyakula vinavyotoa kinga ya ugonjwa huo.

Inaelezwa kuwa papai ni kinga ya ugonjwa wa moyo unaotokana na kuziba kwa mishipa ya damu (atherosclerosis ) na ule unaotokana na kupatwa na kisukari (diabetic heart disease). Kwa kula papai mara kwa mara, unajiepusha na magonjwa hayo yanayosababisha kifo haraka.

HUIMARISHA MFUMO USAGAJI CHAKULA
Papai pia limeonyesha kuwa na uwezo mkubwa sana wa kutoa kinga dhidi ya ugonjwa wa saratani ya utumbo ambayo hutokana na mtu kuwa na matatizo katika mfumo wake wa usagaji chakula. Papai huboresha mfumo mzima wa usagaji chakula na kumfanya mtu kupata choo laini na hivyo kujiepusha na madhara ya kukosa choo kwa muda mrefu ambayo humuweka mtu katika hatari ya kupatwa na kansa ya tumbo.

KINGA DHIDI YA UVIMBE NA VIDONDA
Watu wanaosumbuliwa na majipu au kutokewa na mauvimbe ya ajabu ajabu na kupatwa vidonda mara kwa mara, inatokana na kutokuwa na virutubisho muhimu ambavyo hupatikana kwenye tunda hili. Imegundulika kuwa, watu wenye matatizo hayo wanapotumia papai au virutubisho vyake, hupata nafuu haraka na kupona.

KINGA YA MWILI
Vitamin C na Vitamin A ambayo inapatikana mwilini kutokana na kirutubisho aina ya ‘beta-carotene’ kilichomo kwenye papai, ni muhuimu sana kwa kuimarisha mfumo wa kinga ya mwili dhidi ya magonjwa yanayojirudia mara kwa mara kama vile mafua, maambukizi ya sikio, kikohoo, n.k

NURU YA MACHO
Kama karoti inavyoaminika katika kuimarisha nuru ya macho, papai nalo ni miongoni mwa tunda hilo. Imeelezwa kuwa watu wanaotumia tunda hili hujipa kinga madhubuti ya macho na pia kudhibiti kasi ya kuzeeka ambayo hutokana na kuongezeka kwa umri wa mtu.



TIBA YA MAPAFU
Kama wewe ni mvutaji sigara mzuri au mtu ambaye katika mazingira yako unayoishi unakumbana na moshi wa sigara, basi utumiaji wa vyakula vyenye kiwango kikubwa cha vitamin A kama papai, kutakuepusha na kupatwa na madhara yatokanayo na moshi wa sigara.

SARATANI YA KIBOFU
Ulaji wa papai na chai ya kijani (green tea) kutakuepusha na hatari ya kupatwa na ugonjwa wa saratani ya kibofu cha mkojo Utafiti wa hivi karibuni uliochapishwa na Asia Pacific Journal of Clinical Nutrition umeeleza. Kwa faida hizi na nyingine, tupende kula tunda hili ili tujiepushe na magonjwa hatari yanayosumbua watu kila siku.

CHANZO JAMIIFORUMS:- AHSANTE SANA KWA ELIMU NAMI NIMEONA NISIELIMIKE PEKE YANGU NIKAONA NIWEKE HAPA KINARAZANI.

NAWATAKIENI MWISHO WA JUMA UWE MWEMA...HAYA TUFURAHI PAMOJA NA KIPANDE HIKI CHA NGOMA...

Tuwukeee tuwukeee kamwimbo katamu sana. Natamani kuungana  nao na kucheza ila nabaki kucheza peke yaangu....NAWATAKIENI MWISHO WA WIKI HII UWE WENYE FURAHA NA AMANI! KAPULYA WENU

PALE UNAPOLIMA UNATUMAINA KUVUNA NA SASA MATOKEO TUNAYAONA

Hapo mwaona baadhi ya mazao niliyovuna nyanya, tikiti maji ambalo ndani ni njano tamu sana, zabibu  na pia mwaona kwa pembeni ni pilipili  ni raha sana  kula vyakula ulivyolima mwenyewe kwa mikono yako. KARIBUNI TULE NDUGU ZANGU.

LEO TUTEMBEE KWETU SONGEA MKOANI RUVUMA-KARIBUNI RUVUMA

NAJIVUNIA SANA KUWA MWANARUVUMA.

FAHARI YA MKULIMA NI KULIMA NA KULA ALICHOVUNA....KAZI YA MIKONO YAMGU...

kula vyakula unavyopanda mwenyewe ni kwamba ule utamu unazidi...nilipanda hili tunda aina ya tikiti maji lakini lenyewe ni la njano ndani  ha picha hapo chini yaonyesha vizuri zaidi. Nilianza kulifuatilia hili tunda  kwa ukuaji wake kama uonavyo ua

Na sasa lishakuwa kubwa yaani ni kama boga ila bado kukomaa ni kwamba ukomaaji wake ni mpaka hili ganda liwe njano njano....

Na leo siku rasmi ya kuvuna na kula. Utakula ulichopanda, hakika najisikia fahari sana ....

UJUMBE WA JUMANNE YA LEO KUTOKA KWANGU KUJA KWENU...

UJUMBE:- Kuna muda inabidi uanguke chini zaidi ya hapo ulipo ili uweze kusimama na kukaa juu zaidi ya hapo ulipo...
Hata siku moja usijaribu kukata TAMAA. Dharau, matusi na kebehi: havimzuii mtu kungára.
PANAPO MAJALIWA TUTAONANA TENA HAPA HAPA...KAPULYA WENU.

TUANZE MWEZI HUU WA TISA NA WIKI YAKE YA KWANZA KIHIVI .....

Nikiangalia hawa watoto warukapo kamba natamani siku, miaka irudi nyumba ili nami niweze kuruka tena ...UJUMBE:- WAACHENI WATOTO WAWE WATOTO.

PENDEZA KWA UBUNIFU WA KITANZANIA

Umuhimu wa kupendeza uko wazi kwa kila mtu,mara nyingi mavazi yamekuwa kama kipimo cha utanashati,basi ili kuongeza mvuto yafaa kuongezea vitu vya pekee vilivyotengenezwa kwa ujuzi wa kimasai ili tu kuonyesha utofauti kimitindo na utanashati..

Kazi za mikono ya wapendwa wetu ambao wanadumisha utamaduni  inapendeza sana

MIMI NDIO NILIMUA BATA MZINGA KWA BAHATI MBAYA

KATIKA PITAPITA ZANGU NIMEKUTANA NA HILI FUNZO NIKAONA NIWEKA HAPA ILI NA WENZANGU MUWEZE KUSOMA NA KUJIFUNZA KARIBUNI:-

Siku moja nilitupa jiwe na kwa bahati mbaya likampiga bata mzinga na akafa palepale. Japokuwa nilikuwa peke yangu lakini ghafla nilimwona dada yangu nyuma yangu akinitazama. Na akaniambia nimpe elfu moja ili asimwambie mama, nikamwambia sina ila tafadhali usimwambie mama. Siku iliyofuata mama alimwambia dada aoshe vyombo na kusafisha mazingira. Lakini dada akamwambia mama msafiri amesema atafanya, dada akaja na kuniambia nifanye zile kazi la sivyo atamwambia mama nilimuua bata mzinga. Pasipo kulaumu nikazifanya.

Siku iliyofuata mama akamwita tena dada na kumwambia akachote maji na kujaza pipa. Dada akamwambia tena mama nimesema nitafanya, akaja kwangu akaniuliza unakumbuka ulimuua bata mzinga? Sasa jaza maji kwenye pipa kama hutaki nimwambie mama. Ikanipasa nikachote maji nijaze pipa. Siku hyo hyo jioni mama akamtuma sokoni kununua nafaka na azisage. Akamamwambia tena msafiri amesema ataenda, akaja kwangu akasema "kumbuka kwamba bata mzinga bado amekufa" nenda sokoni ukanunue mfuko wa nafaka kisha ukasage, kama hutaki basi nitamwambia mama.

Nilisimama nikaenda kwa mama huku nikitiririka machozi machoni na nilimkuta amekaa ndani, nikapiga magoti na kumwambia huku nikilia..

"Mama nisamehe tafadhali nisamehe mno. Mimi ndio nilimuua bata mzinga kwa bahati mbaya, tafadhali mama nisamehe.

Mama akajibu- "Mwanangu siku ile ulipomuua bata mzinga nilikuwa dirishani na nilitazama kila kitu kilichotokea. Dada yako amekufanya mtumwa kwasababu hukutaka kuja kwangu kukiri na kuomba msamaha. Sasa umefanya hv uko huru na dada yako hawezi kukutumia tena.

FUNZO,

Kila mara tukiwa tunatenda dhambi Mungu anatuona, na dhambi hakika hutufanya kuwa watumwa siku zote. Hivyo tukienda mbele zake tukikiri na kuomba msamaha yeye ni mwingi wa rehema na atatusamehe.

*MUNGU ATUSAMEHE DHAMBI ZETU NA ATUWEKE HURU...*

JUMAPILI YA LEO TUWE PAMOJA KWA MAOMBI NA HII NI SALA YANGU

Ee Mungu wajua sababu ya mimi kuendelea kuwepo kwenye uwepo wako, naomba uendelee kunijalia hekima na busara katika kukabiliana  na majaribu mbalimbali maana wewe ndiye wajua leo yangu na kesho yangu itakavyokuwa.
AMINA

NIMEVITAMANI SANA VYAKULA HIVI LEO

 KUMBIKUMBI

NA LIKUNGU...Mmmmmm  utamu mpaka mate yanadondoka

TUFANYE HII IWE PICHA YA SIKU

Leo ni Jumatano iliyochaguliwa nami Kapulya  kuweka picha hii iwe picha ya siku. NAWATAKIA SIKU NJEMA WOTE MTAKAOPITA HAPA.

KUMBUKUMBU....NIMETAMANI SANA EMBE LEO....

Nawatakieni  mwisho wa juma uwe mwema amani na furaha vitawale moyoni mwenu.....Kapulya wenu!

NAWATAKIENI JIONI NJEMA YA JUMATATU HII KWA KUANGALIA NGOMA YA ASILI YA KINGONI

UJUMBE WA LEO:- Tusisahau utamaduni wetu ndugu zanguni, binafsi napenda sana uasili.JIONI NJEMA WANDUGU. PANAPO MAJALIWA TUTAONANA TENA.

NI WIKI NYINGINE TENA NDANI YA MWEZI HUU WA NANE... NA HII NI PICHA YA WIKI

Napenda kuwatakieni mwanzo mwema wa hili juma na furaha itawale mioyoni mwenu. Tutaonana tena panapo majaliwa.

TUANZE WIKI HII MPYA YA MWEZI HUU MPYA WA NANE KWA KUANZA NA KUSHIRIKIANA KULA CHAKULA HIKI

Karibu ugali wa muhogo, nyama ya kuku na dagaa. KARIBUNI SANA na muwa na wakati mzuri kwa kuanza mwezi huu wa nane.

LEO TUANGALIA /SIKILIZE NYIMBO/NGOMA ZETU ZA ASILI

Huwa napenda sana kuangalia au kusikiliza ngoma/nyimbi wa asili . Kwa hiyo nimeona niwashirikishe na wenzangu

JUMATATU YA LEO TUANGALIA BAADHI YA VYAKULA NILIMAVYO/KAZI YA MIKONO YANGU

Hapa ni kama itakuwa vizuri basi litakuwa tango....

.....na ni matembele ...kama huna ardhi kutosha basi hii ni njia nzuri kupata chakula

EBU LEO TUANGALIE UTENGENEZAJI WA TOGWA....

 UTENGENEZAJI WA TONGWA

UNYWAJI WA TOGWA KUTUMIA KIKOMBE AU KATA. JE? WEWE UNAPENDA KUTUMIA KIKOMBE AU KATA?

KAZI YA MIKONO YANGU/ ALIMAYE ANAVUNA

Hapa ni vitunguu saumu 

na hapa ni nyanya

picha zaidi za bustani zaja

WIKI HII TUANZE NA KWETU NYASA ...KUMBUKUMBU

Kiukweli leo nimekumbuka sana NYASA/LUNDO kwetu  nilikozaliwa kwenda tu ziwani unapata samaki, dagaa na hata likungu. Naona fahari sana kuzaliwa Kando ya ziwa nyasa, Unajua samaki wanaotoka tu kuvuliwa wanavyokuwa watamu wewe acha tu... Niwatakieni JUMANNE NJEMA. WOTE MNAPENDWA. Kapulya!

LEO TUTEMBEE KANISA KONGWE LA MKOA WA RUVUMA-PERAMIHO

Hilo hapo juu ni kanisa lililo jengwa Peramiho na Wamisionari wa kikatolic miaka mia moja iliyo pita lakini mpaka leo halijanyiwa ukarabati wowote ,pamoja na kanisa hilo ipo saa ambayo nayo ina chukua miaka 100 bila kutengenzwa wala kurekebishwa

WIKI HII TUANZE NA KUANGALIA BUSTANI YA KAPULYA.... JUMATATU NJEMA WANDUGU TUPO PAMOJA

 mchicha 

 Mboga ya maboga

 Vitunguu, Mahindi na Viazi

Nyanya. Kutokana na uhaba wa sehemu basi nimetumia makopo

2/7 NI KUMBUKUMBU YA NDOA YETU IMETIMIZA MIAKA 25

2/7/ ilikuwa siku ya furaha kwetu ni miaka 25 ya ndoa yetu

Ni  chakula cha jioni ile nyama ya ngòmbe na viazi  pia kinywaji. Twamshukuru Mungu kwa safari hii ndefu.