NAWATAKIENI SIKU NJEMA YENYE AMANI NA FURAHA

Ni siku nyingine tena na jumanne ya mwisho ya mwezi huu nami nimeona niwatakieni kihivi. AMANI NA FURAHA VITAWALA MIOYONI MWENU. PANAPO MAJALIWA TUTAONANA TENA KARIBUNI

JUMATATU HII YA MWISHO YA MWEZI HUU WA TANO TUANGALIE BAADHI YA METHALI ZETU

1. Aisifuye mvua imenyeshea
2. Baniani mbaya kiatu chake dawa
3. Bendera hufuata upepo
4. Fuata nyuki ule asali
5. Haraka haraka haina baraka
6. Mtoto wa nyoka ni nyoka
7. Sikio la kufa halisikii dawa
8. Ulimi hauna mfupa
9. Tamaa mbele mauti nyuma
NAWATAKIENI JUMATATU HII YA MWISHO WA MWEZI HUU IWE NJEMA SANA NA TUTAONANA TENA KARIBUNI.

HUU NI UJUMBE WETU WA LEO:- ETI NI MIPANGO YA MUNGU!?

                                 Hivi ni mipango ya Mungu au ni kujitakia?

NACHUKUA NAFASI HII KUWATAKIENI WOTE MTAKAOPITA HAPA MWISHO WA JUMA UWE WENYE MAPUMZIKO YA AMANI NA FURAHA....

 Chagu lako kupumzika kwa kunywa pombe ya kienyeji  komoni na  ulanzi  au

Pombe ya kisasa kwa jina la bia

IJUMAA NA MWISHO MWEMA WA JUMA

ZILE NDIZI/ULE MKUNGU SASA ZIMEIVA

Ni raha ilioje kula kazi ya mikono yako/yangu....kaka yangu  kanitumia  hii kunitamanisha ...-:)

KUMBUKUMBU:- SHULE NA KENGELE...

Je? unakumnuka hii kengele shule uliyosoma? AU kanisa ulilosali? mimi nakumbuka:-)

KUMBUKUMBU YA MAISHA...NILINUSURIKA KUFA KWA KUSOMA KWA MWANGA WA KOROBOI/KIBATALI

Sijui ni kumbukumbu nzuri au mbaya? Ila nimekumbuka mbali sana...ama kweli watu tumetoka mbali. NIWATAENI IJUMAA HII YA KWANZA YA MWEZI HUU WA TANO IWE NJEMA NA  YENYE KUMBUKUMBU NJEMA ZA FURAHA.

HAPA NI KWETU MBINGA..ANGALIA MANDHARI YAKE INAVOVUTIA.....!

Kama tuonavyo ni mandhari nzuri ya migomba,  na vinginevyo pia mwaona kuku wakidonoadonoa na bila kusahau banda ya nguruwe....

Mkungu wa ndizo(kaporota) kutoka katika hiyo migomba hapo juu kazi ya mikono ya kaka yangu amenitumia ili kunitamanisha na amenitamanisha  haswaaa

Bado ni bustani ya migomba na vingine kama vile mahindi na vinginenyo na kwa juu ndio nyumba yetu mpya ya huko Mbinga....karibuni

Nguruwe....pia wapo

NI MLO GANI WEWE UNGEPENDA KULA SIKU YA LEO?....

 Ndizi, nyama, na mbogamboga au

Ugali wa muhogo  nyama ya kuku na dagaa nyasa. haya karibu kuchagua.....

NAWATAKIENI MWISHO MWEMA WA JUMA HILI LA MWEZI HUU WA NNE!!

NAWATAKIENI  jioni njema ya Jumamosi pia kwa ujumla mwisho mwema wa juma.

VAZI LA SKETI ALIPENDALO KAPULYA WENU

Sketi ndefu za heshima nizipendazo mimi Kapulya wenu...hiki ni kitenge aina ya dashiki

JUMANNE YA LEO NIMEKUMBUKA NYIMBO NA NGOMA ZETU ZA ASILI

Utamaduni wetu ....ASILI YANGU

JUMANNE NJEMA!

VYAKULA AVIPENDAVYO KAPULYA WENU

 UUgali kwa dagaa zilipikwa na bamia bila kusahau pilipili....

 Dagaa na mboga mboga kwa ugali mmmhh

 Njegele kwa nazi  yaani utamu mno

Na hsoa ni samaki ilipikwa jwa ustadi :-)

JUMATATU HII TUANZENA PICHA HII...ULANZI

Hii ni picha ya wiki sijawahi kuona unywaji huu wa ulanzi moja kwa moja kwenye mbeta. Duh! kaaazi kwelikweli..JUMATATU NJEMA NDUGU ZANGU PAMOJA DAIMA. PANAPO MAJALIWA.

UJUMBE WA JUMAPILI YA LEO..MSHUKURU MWENYEZI MUNGU KWA KILA JAMBO

Usiwe na hofu kwa kuwa binadamu kukuacha katika udhaifu ulio nao kwa sababu yeye sio Mungu, na pesa sio kila kitu katika maisha, maisha hayajakamilika kwa mtu yeyote.

Kuna  mwenye nyumba lakini hana gari, kuna mwenye gari na hana watoto, kuna mwenye pesa hana afya, na kuna mwenye vyote lakini hana AMANI wala FURAHA. MSHUKURU MUNGU KWA KILA JAMBO

KUMBUKUMBU:- USISAHAU ULIKOTOKA KWANI NDIYO MSINGI WA MAISHA

Hapa ni kwetu MAHENGE SONGEA MAMA, MIMI NA BABA 

NA ha pa ni kaka yangu mdogo XVERY  ilikuwa mwaka jana  mwezi wa kumi na mbili kwa kweli ilikuwa ni furaha sana kuweza kuonana

VYAKULA VYA USWAHILINI VINAVYOSAHAULIKA

Naanza kuwaza hili jambo iweje tusahau vyakula kama hivi vilivyotukuza, au ndo kama vile tunavyopenda mavazi ya kigeni na sasa ipo kwenye vyakula pia?

HARUSI NA VAZI LA KITAMADUNI KATIKA BAADHI YA NCHI BARANI AFRIKA....!

 Vazi la kitamaduni/asili nchini KENYA NA NIGERIA

Vazi la kitamaduni/asili nchi UGANDA

 Vazi la kitamaduni/asili nchini AFRIKA YA KUSINI/KWA ZULU

 Vazi la harusi la kitamaduni/asili Nchini IVORY COAST

 Vazi la kitamaduni/asili Nchini GHANA

Vazi la harusi la kitamaduni/asili Na hapa ni nchini CONGO

SWALI:- Je? TANZANIA KAMA NCHI HATUNA VAZI LA KITAMADUNI KWENYE HARUSI?

KUMBUKUMBU...VIAZI VITAMU

Leo  katika kytafuta mahitaji nimekutana na viazi vitamu/mbatata nimenunua viwili, mihogo  2 na ndizi mbanga/mzuzu mbili. Kwa hiyo huu utakuwa mlo wa leo ikiwa kachumbali pembeni. ...mmmhhh utamu.

WAREMBO WA WIKI...TUIGE MFANO WA NDUGU ZETU WAMASAI KWA JINSI WANAVYOTHAMINI MILA NA TAMADUNI

Inapendeza sana kuona bado kuna makabila/kabila wanadumisha/heshimu utamaduni wao. Nawatakieni kila la kheri kwa yote. PAMOJA DAIMA!

PICHA YA WIKI...KULA PAMOJA....UJAMAA KATIKA JAMII

Nimependa  hii picha nakumbuka jinsi nilivyokuwa nakula na ndugu zangu....

NAPENDA KUWATAKIENI PASAKA NJEMA NA YENYE AMANI NA BARAKA TELE...BWANA AMEFUFUKA !

TUMSIFU YESU KRISTU !

LEO NI SIKU KUBWA SANA KWETU WAKRISTO NA WATU WOTE WENYE MAPENZI MEMA KWANI BWANA WETU YESU KRISTO AMEFUFUKA KWELI KWELI AMESHINDA MAUTI YA MSALABA ALELUYAAAAA!!!

BASI SOTE TUIMARIKE KATIKA IMANI KWA KUFUFUKA KWAKE BWANA WETU YESU KRISTO KWANI AMESHINDA MAUTI YA MSALABA, TUJIKUMBUSHE KWA PICHA NZURI NA ZENYE UJUMBE SAFI KWAKO,JIRANI  NA RAFIKI YAKO.

KABURI AMBALO BWANA YESU ALIZIKWA LI WAZI KWELI MKOMBOZI AMEFUFUKA ALELUYA.

BWANA YESU ANATOKA KABURINI NI USHINDIMKUBWA SANA KWETU. AMINI KWAMBA YESU KRISTO AMESHINDA MAUTI NAWE

UTAKUWA HURU MOYONI MWAKO

BWANA YESU MFUFUKA AJIZIHIRISHA KWA WANAFUNZI WAKE, AMINI KWAMBA YESU KRISTO YU HAI NAWE UTAPATA UHAI MOYONI MWAKO.

EE! BWANA YESU KWA UFUFUKO WAKO NIFANYE NIWE CHACHU YA MABADILIKO KATIKA JAMII YANGU NA KATIKA FAMILIA YANGU. AMINA

EE!BWANA YESU KRISTO WEWE NDIO ALFA NA OMEGA, NAOMBA BWANA UNIKUMBUKE KATIKA UFALME WAKO ILI NIWEZE SIKU MOJA

KUJUMUIKA NA WATATIFU NA MALAIKA MBIGUNI. AMINA

IJUMAA KUU HII IWE NJEMA KWA WAUMINI WOTE!!

Ni ijumaa ambayo Bwana Yesu Kristu atapata mateso kwa ajili yetu. Sijui kama kuna mtu angeweza kujitoa roho yake kwa ajili ya mwingine kama Bwana wetu Yesu anavyofanya kwa ajili yetu?..Na nawakumbusheni kuto sahau leo ni ile siku ambayo ni siku moja tu kwa mwaka ambayo tunaombwa kuacha kula vyakula vya damudamu hasa nyama ....Mwenyezi Mungu na atawala Nyumbani mwenu Daima kuwa na Amani pia Furaha . Amina. IJUMAA KUU IWE NJEMA KWA WOTE....  NI KAPULYA WENU!!

HISTORIA YA ALHAMISI KUU

ALHAMIS KUU KWA WOTE NA TUKUMBUKE KUPENDANA.

USITAFUTE PESA TAFUTA FURAHA

Katika maisha kitu kigumu kuliko vyote kukitafuta sio pesa bali ni furaha. Pesa ni ngumu kuitafuta kwasababu kila siku tunaipoteza katika kuitafuta furaha. Pesa humaliza matatizo na matatizo humaliza pesa. Inawezekana hata aliyezigundua  alikufa na madeni, sioni sababu ya kufa kwa sababu ya kutafuta maisha, bora uzima.  Pesa sio kila kitu. Inaweza kununua nyumba lakini haiwezi kununua familia, inaweza kununua  kitanda lakini haiwezi kununua usingizi, inaweza kunuua saa lakini haiwezi kununua muda. Pesa inaweza kununua vitabu lakini haiwezi kununua akili. Na maskini sio yule tu ambaye hana bali hata yule aliyenazo lakini anazitaka zaidi. Tafuta furaha kila siku usisubiri mpaka muda maalumu ndio uwe na furaha. Kila siku hapa duniani ni siku  maalumu. Na kwa taarifa yako sio mwenye pesa tu anayeweza kuhamisha milima hata fukara kapuku kama wewe na mimi. Pesa sio kila kitu bora furaha, inaweza kununua madaraka lakini haiwezi kununua heshima. Inaweza kununua damu lakini haiwezi kununua uhai, inaweza kununua dawa lakini haiwezi kununua afya. Pesa  haiwezi kununua mapezi.
CHANZO.- NILITUMIA NA RAFIKI KMA VIDEO/SIMULIZI NAMI NIMEUGEUZA KAMA MADA..